კონფიდენციალურობის პოლიტიკა
ბოლო განახლება: 4 სექტემბერი, 2026
1. რას ეხება ეს პოლიტიკა
ეს პოლიტიკა აღწერს, როგორ ამუშავებს Mentra თქვენს მონაცემებს AI ხილვადობის მონიტორინგის, ვებსაიტის ანალიზის, კონკურენტების შედარებისა და AI ტრაფიკის ფუნქციების გამოყენებისას.
2. მონაცემები, რომლებსაც გვაწვდით
ვამუშავებთ ანგარიშის ელფოსტას და ორგანიზაციის, ბრენდის, ვებსაიტის, კონკურენტების, პრომფთებისა და გადამხდელის მონაცემებს, რომლებიც თავად შეგყავთ პლატფორმაში. ასევე ვინახავთ მონიტორინგის შედეგად მიღებულ პასუხებს, ხსენებებს, ციტირებებსა და გამოყენების ტექნიკურ მაჩვენებლებს, მათ შორის AI მოთხოვნის input/output token-ების რაოდენობას.
3. AI მონიტორინგი
თქვენ მიერ არჩეულ პრომფთებს ვუგზავნით ოფიციალური API-ებით იმ AI პროვაიდერებს, რომლებიც ჩართულია კონკრეტული მონიტორინგის გაშვებაში, მაგალითად OpenAI, Anthropic, Google ან Perplexity. Mentra არ გაძლევთ და არც იღებს წვდომას სხვა მომხმარებლების პირად AI ჩათებზე; ვამოწმებთ მხოლოდ თქვენს მიერ არჩეულ კითხვებზე მოდელების პასუხებს.
4. ვებსაიტისა და AI ტრაფიკის მონაცემები
საიტის ანალიზისას ვკითხულობთ მხოლოდ საჯაროდ ხელმისაწვდომ გვერდებს და ვითვალისწინებთ robots.txt წესებს. სურვილისამებრ, შეგიძლიათ Cloudflare Worker ან სერვერის ლოგის ინტეგრაციით გამოგვიგზავნოთ AI crawler-ისა და AI referral-ის მოვლენები. ამ შემთხვევაში ვინახავთ გვერდის მისამართს, user-agent-ს, crawler-ის ტიპსა და მოვლენების დროს; მომხმარებლის პირად ჩათებს ან Google Analytics-ის ანგარიშზე წვდომას არ ვითხოვთ.
5. გადახდა და ინვოისები
ამჟამად ფასიანი პაკეტები ფორმდება ინვოისის მოთხოვნითა და საბანკო გადარიცხვით. ჩვენ არ ვამუშავებთ და არ ვინახავთ საბანკო ბარათის მონაცემებს. ინვოისისთვის ვინახავთ თქვენ მიერ მოწოდებულ გადამხდელის საიდენტიფიკაციო და საკონტაქტო მონაცემებს კანონითა და ბუღალტრული აღრიცხვის საჭიროებით განსაზღვრული ვადით.
6. შენახვა და წვდომა
მონაცემები ინახება ორგანიზაციებისგან იზოლირებულ მონაცემთა ბაზაში. თქვენს სამუშაო სივრცეში წვდომა აქვთ მხოლოდ თქვენი ორგანიზაციის უფლებამოსილ წევრებს; პლატფორმის შეზღუდულ ადმინისტრაციულ წვდომას ვიყენებთ მხოლოდ მხარდაჭერის, უსაფრთხოების და მომსახურების მართვისთვის.
7. თქვენი არჩევანი
შეგიძლიათ განაახლოთ ორგანიზაციის მონაცემები, წაშალოთ ანგარიში პარამეტრებიდან ან მოგვწეროთ მონაცემების ასლის, გასწორების ან წაშლის მოთხოვნით. ანგარიშის წაშლამ შეიძლება არ მოიცვას ინვოისური ინფორმაცია, რომლის შენახვაც სავალდებულოა მოქმედი წესებით.
8. კონტაქტი
კონფიდენციალურობის საკითხებზე მოგვწერეთ noreply@mentra.ge, დაგვირეკეთ +995 598 55 44 20 ან გვესტუმრეთ მისამართზე: თბილისი, აბაშიძე-ორბელიანის 2.